By zuka_x / Get This!

www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com 0492 25 26 26www.zestaphoni.com 0492 25 26 26 www.zestaphoni.com 0492 25 26 26 www.zestaphoni.com
 

გუშინ, 12:23  - კახაბერ მახათაძემ მეწყრის შედეგად დაზიანებული უბნები დაათვალიერა


ზესტაფონის მუნიციპალიტეტის მერმა კახაბერ მახათაძემ სოფელ ძირულისა და პატარა განთიადის დამაკავშირებელი საავტომობილო გზის აღდგენის სამუშაოები დაათვალიერა. გზის აღნიშნულ მონაკვეთზე მეწყერი გასულ კვირას, უხვად მოსული ნალექის გამო ჩამოწვა,  დასახლებული უბნები  კი საავტომობილო გზის გარეშე დარჩა.  მუნიციპალური ტექნიკის დახმარებით, ტერიტორია მთლიანად გაიწმინდა, რასაც პირადად ადევნებდა თვალყურს მუნიციპალიტეტის მერი კახაბერ მახათაძე. გზის გაწმენდის სამუშაოები ამჟამად სოფელ შროშაში, ე. წ. ბაჭას ბოგირის მიმდებარე ტერიტორიაზე მიმდინარეობს. გზის სავალი ნაწილი, ასევე ძლიერი წვიმის შედეგად დაზიანდა და აღნიშნულ ტერიტორიაზე გადაადგილება შეიზღუდა. მუნიციპალური ტექნიკა დასახლებაში მუშაობას ხვალ დილიდაან განაახლებს, მეწყრის შედეგად დაზიანებული გზის აღდგენის  სამუშაოები კი რამდენიმე დღეში დასრულდება. 

 

გუშინ, 10:49  - ტაურაგესა და ზესტაფონის ერთობლივი პროექტის პრეზენტაცია


ლიტვის ქალაქ ტაურაგესა და ზესტაფონის მუნიციპალიტეტს შორის განხორციელებული  ერთობლივი, საგანმანათლებლო პროექტის ფარგლებში  საკრებულოს სხდომათა დარბაზში პროექტის პრეზენტაცია მოეწყო. ზესტაფონის მუნიციპალიტეტიდან, სასწავლო სემინარის კვირეულში   მონაწილეობას კულტურის სამსახურის განათლების სპეციალისტი და  სხვადასხვა საჯარო და კერძო სკოლების წარმომადგენლები იღებდნენ.  პროგრამის მიმდინარეობისას, ქალაქ ტაურაგეში სტუმრებმა კულტურულ და  საგანმანათლებლო აქტივობებში მიიღეს მონაწილეობა. ზესტაფონის დელეგაციას, პირადად უმასპინძლა ტაურაგეს მუნიციპალიტეტის მერმა სიგიტას მიჩიულის – მა. ტაურაგეს მერის სახელით ადგილობრივი თვითმმართველობის წარმომადგენლებმა, მუნიციპალიტეტის მერმა კახაბერ მახათაძემ და საკრებულოს თავმჯდომარემ, ვახტანგ ღამბაშიძემ,  საჩუქრები და მილოცვის ბარათი მიიღეს, სადაც ნათქვამია: „გამოვხატავ რა თქვენდამი ღრმა პატივისცემას, გისურვებთ მნიშვნელოვან საქმიანობას, მოთმინებასა და იმედს, ზესტაფონის მცხოვრებლების მხარდაჭერას ამ მნიშვნელოვან საკითხში. თანმიმდევრული, გულწრფელი მუშაობა და შეუპოვრობა ლახავს ყველა წინააღმდეგობას და ყოველთვის იძლევა შედეგს“.  ლიტვის ქალაქ ტაურაგესა და ზესტაფონს შორის ოფიციალური მემორანდუმი 2011 წელს გაფორმდა,რომელიც კულტურულ, საგანმანათლებლო, სპორტულ და  ახალგაზრდულ პროექტებში ურთიერთთანამშრომლობას ითვალისწინებს.  

 

15-12-2017, 13:00  - მუნიციპალიტეტის ორგანიზებით ინტელექტუალური თამაში მოეწყო


მუნიციპალიტეტის მერიის განათლების, კულტურის, სპორტის და ახალგაზრდულ საქმეთა სამსახურის ორგანიზებით, საჯარო და კერძო სკოლებს შორის, ინტელექტუალური თამაში „რა? სად? როდის“ ? მოეწყო. ღონისძიებაში მონაწილეობას 25 სკოლის გუნდი იღებდა. სასურველი შედეგის მისაღწევად გუნდებს სხვადასხვა სირთულისა და შინაარსის კითხვებზე უწევდათ პასუხის გაცემა. ლიდერთა შემადგენლობა ასე გადანაწილდა: პირველი ადგილი და ფულადი პრიზი 600 ლარი, მეორე საჯარო სკოლამ აიღო. მეორე ადგილი სოფელ კვალითის გუნდმა მოიპოვა, რომელსაც კონკურსის პირობების მიხედვით ფულადი ჯილდო 500 ლარი გადაეცა. მესამე ადგილი და ფულადი პრიზი 400 ლარი კი ტაბაკინის საჯარო სკოლის  წარმომადგენლებმა აიღეს. ინტელექტუალური თამაშის მონაწილეებს სიგელები და ფულადი პრიზები, საკრებულოს თავმჯდომარემ, ვახტანგ ღამბაშიძემ გადასცა.

 

 

 

15-12-2017, 10:56  - კახაბერ მახათაძე მეშვიდესკოლელთა პროექტის პრეზენტაციას დაესწრო


მუნიციპალიტეტის მერი კახაბერ მახათაძე მე – 7 საჯარო სკოლის მიერ ორგანიზებული პროექტის  „მიწის ხელოვნებად ქცევის ტექნოლოგია“ – პრეზენტაციას დაესწრო.   მოსწავლეებმა თიხის დამუშავების ტექნიკასა და მის წარმომავლობაზე ისაუბრეს, რომლის საუკუნოვანი ისტორია სოფელ შროშასთან არის დაკავშირებული. კიდევ ერთხელ ყველამ გაიხსენა, რომ საქართველოში, სადაც მეთუნეობის რამდენიმე უძველესი კერა არსებობს, მათ შორის  შროშის როლი  განსაკუთრებით მნიშვნელოვანია. პროექტის პრეზენტაციისას, მოსწავლეებმა  ისაუბრეს, თუ რა ეტაპებს გადის თიხის ნაწარმი ვიდრე ის საბოლოო სახეს მიიღებს და რა სახის ჭურჭელს ამზადებენ მისგან.  ღონისძიების  დასრულების შემდეგ, მუნიციპალიტეტის მერმა მადლობა გადაუხადა მე – 7 სკოლის მოსწავლეებს საინტერესო პრეზენტაციისათვის და აღნიშნა, რომ განსაკუთრებით მნიშვნლოვანია, მომავალ თაობას ჰქონდეს მეტი ინფორმაცია, საკუთარი მხარის უძველესი კულტურის, ტრადიციების და ისტორიული წარსულის შესახებ, სადაც ზესტაფონის როლი განსაკუთრებით მნიშვნელოვანია. 

 

14-12-2017, 16:06  - შორაპნის სკოლაში მდინარი ბებიაშვილის მემორიალური დაფა გაიხსნა


შორაპნის საჯარო სკოლაში, ავღანეთში, სამშვიდობო მისიის შესრულების დროს დაღუპული სამხედრო მოსამსახურის, მდინარი ბებიაშვილის სახელობის მემორიალური დაფა გაიხსნა. ღონისძიებაში მონაწილეობას მუნიციპალიტეტის საკრებულოს თავმჯდომარე ვახტანგ ღამბაშიძე, შორაპნის მაჟორიტარი დეპუტატი კობა გოჩალეიშვილი და თვითმმართველობის წარმომადგენლები იღებდნენ. მდინარი ბებიაშვილი შორაპნის საჯარო სკოლაში 1998 – 2010 წლებში სწავლობდა. მის მშობლიურ სკოლაში დღეს მისი თანაკლასელები, პედაგოგები, მეგობრები, ოჯახის წევრები შეიკრიბნენ და ერთად გაიხსენეს,  სამშვიდობო ოპერაციის დროს დაღუპული  მეომრის ტრაგიკული ისტორია. მდინარი ბებიაშვილი ავღანეთის ისლამურ რესპუბლიკაში, ბაგრამის საავიაციო ბაზის მიმდებარე ტერიტორიაზე თავდასხმის შედეგად გარდაიცვალა. ის  საქართველოს შეიარაღებულ ძალებში 2010 წლიდან მსახურობდა.  მონაწილეობა აქვს მიღებული  ავღანეთში უსაფრთხოების ხელშეწყობის საერთაშორისო ძალების  (ISAF)მისიაში  2012 და 2014 წლებში. 

 

14-12-2017, 11:16  - ზესტაფონში რამდენიმე სოფლის გაზიფიცირება მიმდინარეობს


„სოკარ ჯორჯია გაზი“  – ს იმერეთის ოფისის მენეჯერი დავით ჯაიანი და ზესტაფონის სერვის ცენტრის მენეჯერი ლევან აბაშიძე,  გაზიფიცირების მიმდინარე სამუშაოებთან დაკავშირებით მუნიციპალიტეტის მერს კახაბერ მახათაძეს და საკრებულოს თავმჯდომარეს ვახტანგ ღამბაშიძეს შეხვდნენ. შეხვედრას სოფლის მაჟორიტარი დეპუტატებიც ესწრებოდნენ.  კომპანიის წარმომადგენლებმა ისაუბრეს იმის შესახებ, სადაც ამჟამად ხორციელდება გაზიფიცირების სამუშაოები.  ბუნებრივი აირის გამანაწილებელი ქსელების მშენებლობა – რეაბილიტაცია ამ ეტაპზე მუნიციპალიტეტის რამდენიმს სოფელში მიმდინარეობს. 2017 წელს „სოკარ ჯორჯია გაზმა“ ზესტაფონის მუნიციპალიტეტში დამატებით 6589 აბონენტი ჩართი ქსელში. 

 

13-12-2017, 13:13  - მერის პირველი მოადგილის პოსტი დავით ჩირგაძემ ჩაიბარა


მუნიციპალიტეტის მერის პირველ მოადგილედ დავით ჩირგაძე დაინიშნა.  კახაბერ მახათაძემ  მას ინფრასტრუქტურის, კეთილმოწყობისა და საზოგადოებრივი  მომსახურეობის სფეროების  ხელმძღვანელობა ჩააბარა. დავით  ჩირგაძე განათლებით ეკონომისტია.  აღნიშნულ თანამდებობამდე მას სხვადასხვა პოზიციები ეკავა წყალტუბოს მუნიციპალიტეტის  გამგეობაში. 1998 –  1999 წლებში მუშაობდა წყალტუბოს მერიაში მერის მრჩევლად (ეკონომიკის საკითხებში) ;1999 – 2004 წლებში წყალტუბოს რაიონის გამგეობაში ეკონომიკის განყოფილების გამგედ; 2004  – 2006 წლებში სახელმწიფო ქონების აღრიცხვისა და პრივატიზების წყალტუბოს სამმართველოში  სამმართველოს უფროსად; 2006 – 2007 წლებში ქონების მართვის სამსახურის უფროსის პოზიცია ეკავა. მუშაობდა ეკონომიკისა და ინფრასტრუქტურის განვითარების სამსახურის უფროსად. 2008 – 2013 წლებში გამგებლის მოადგილის თანამდებობა ეკავა წყალტუბოს გამგეობაში. 2017 წლის 12 დეკემბრიდან დავით ჩირგაძე ზესტაფონის მუნიციპალიტეტის მერის პირველი მოადგილის პოსტს იკავებს.

 

 

 

12-12-2017, 18:36  - კახაბერ მახათაძემ „ზესტაფონის“ ჩვიდმეტწალმდელებს ვიცე – ჩემპიონობა მიულოცა


ზესტაფონის მუნიციპალიტეტის მერი კახაბერ მახათაძე „ზესტაფონის“ ჩვიდმეტწლამდელთა  საფეხბურთო კლუბის  ფეხბურთელებს შეხვდა და  მათ „ოქროს ლიგის“ გათამაშებაში ვიცე – ჩემპიონის ტიტულის მოპოვება მიულოცა.  „საამაყოა ზესტაფონისთვის, რომ გუნდმა ვიცე – ჩემპიონის ტიტული მოიპოვა. ეს გამარჯვება დარწმუნებული ვარ, ღირსეული ბრძოლის გარეშე ვერ შედგებოდა. ვულოცავ ფეხბურთელებს და  მთელ გუნდს ამ დიდ წარმატებას. ჩვენ  ყველაფერს გავაკეთებთ იმისათვის, რომ გვერდით დავუდგეთ საფეხბურთო კლუბს, რათა კიდევ არაერთი გამარჯვების მომსწრენი გავხდეთ“. შეხვედრისას ს/კ „ზესტაფონის“ პრეს სამსახურის უფროსმა სერგო ფუტკარაძემ  გუნდის სახელით კახაბერ მახათაძეს სამახსოვრო მაისური გადასცა, მუნიციპალიტეტის მერმა კი ფეხბურთელებს წმინდა გიორგის ხატი უსახსოვრა. ფეხბურთელებთან შეხვედრა საკრებულოს განათლების, კულტურის, სპორტის, ტურიზმის და ახალგაზრდულ საკითხთა კომისიის თავმჯდომარის, კობა გოჩალეიშვილის ინიციატივით შედგა.  შეხვედრის დასრულების შემდეგ, ყველამ ერთად სამახსოვრო ფოტო გადაიღო.

 

 

 

11-12-2017, 16:54  - 2017 წელს 20 – ზე მეტი ახალი გზა დაიგო მუნიციპალიტეტში


2017 წელში განხორციელებულ ინფრასტრუქტურულ პროექტებს შორის, საავტომობილო გზების აღდგენა – რეაბილიტაცია მუნიციპალიტეტში კვლავ აქტუალური იყო. ერთი წლის განმავლობაში 20 – ზე მეტ მისამართზე მოწესრიგდა საგზაო საფარი. მათ შორისაა ვახუშტი ბატონიშვილის; ნინოშვილის; ცოტნეს; ჩხეიძის ქუჩის მე – 5 შესახვევის; მაზნიაშვილის; 300 არაგველის; გრიშაშვილის; მარჯანიშვილის; სააკაძის; გიორგი ლიონიძის; ზაპოროჟიეს; მერჩულეს; ფიროსმანის ქუჩის მე – 2 ჩიხის; კეკელიძის ქუჩის (გზის მარცხენა მხარე); სოფელ როდინაულის; ტყლაპივაკის; ცხრაწყაროს; არგვეთის; სოფელ კვალითის (აბანოს გზა); სოფელი კლდეეთის მწყერიციხიდან – ლახუნდარამდე არსებული საავტომობილო გზა; 2017 წელს საავტომობილო გზების კეთილმოწყობაზე რეგიონული განვითარების ფონდმა 3, 233,050 ლარი გამოყო, ადგილობრივი ბიუჯეტიდან გზების რეაბილიტაცია 2, 260,000 ლარით დაფინანსდა, 1, 178,219 ლარი თანადაფინანსების პრინციპით (რგფ – თან ერთად) მუნიციპალიტეტმა ასევე გზების მოსაწყობად მიმართა. 

 

7-12-2017, 16:12  - მუზეუმების გაერთიანებამ „ჩვენი მუზეუმის“ პრეზენტაცია მოაწყო


მხარეთმცოდნეობის მუზეუმმა საკუთარი გამოცემის „ჩვენი მუზეუმის“ პრეზენტაცია მოაწყო. გაზეთის სპეციალური ნომერი ვრცელ და საინტერესო მასალებს მოიცავს. ვის ეკუთვნოდა სახლი, სადაც ამჟამად მხარეთმცოდნეობის მუზეუმია განთავსებული; ინფორმაცია მუნიციპალიტეტში არსებული არქეოლოგიური ძეგლების შესახებ; ისტორიული მასალები ზესტაფონში მოღვაწე ცნობილ სასულიერო პირზე, დეკანოზ დავით ღამბაშიძეზე; ცნობები მსოფლიო ხალხთა კულტურული მემკვიდრეობის უმნიშვნელოვანესი ნიმუშების შესახებ, რომლებიც მუზეუმშია დაცული. გაზეთის სპეციალური ნომერი ამ შინაარსის წერილებს აერთიანებს. პრეზენტაცია მუზეუმის საგამოფენო დარბაზში შედგა და მას ძველი და ახალი თაობის წარმომადგენლები ესწრებოდნენ. ღონისძიებას ესწრებოდა საკრებულოს თავმჯდომარე ვახტანგ ღამბაშიძეც. გაზეთის პრეზენტაციაზე საპატიო სტუმართა შორის პროფესორი ვახტანგ ჯაფარიძე გახლდათ, რომელიც ამჟამად არქეოლოგიური სამუშაოების წარმოებას ხელმძღვანელობს შორაპნის ციხეზე. 

 
უკან შემდეგი
>